PhD жогорку мектеби 2013-жылдын 16-апрелиндеги «КЭАУ» ОИӨКтүн Окумуштуулар кеңешинин №7 чечиминин негизинде 2013-жылдын 1-сентябрында ачылган.

2013-2017-жылдарга Кыргыз Республикасын туруктуу өнүктүрүүнүн Улуттук стратегиясына ылайык, Кыргыз Республикасынын Билим берүү жана илим министрлигинин 2012-жылдын 12-декабрындагы № 733/1 «Докторлук программаларды (PhD) иштеп чыгуу жана ишке ашыруу боюнча экспериментти уюштуруу жөнүндө» буйругу менен жумушчу топ ЖОЖдон кийинки кесиптик билим берүүнүн пилоттук докторантура программаларын (PhD) ишке ашыруучу ЖОЖдорго убактылуу мамлекеттик талаптарды иштеп чыкты.ЖОЖдон кийинки кесиптик билим берүүнүн пилоттук доктордук программаларын ишке ашыруунун убактылуу регламенти иштелип чыкты. 2013-жылы КЭАУ Экономика, бизнести башкаруу жана коомдук саламаттык сактоо боюнча философия доктору (PhD) окумуштуулук даражасын изденип алуу үчүн эксперименталдык билим берүү программаларын ишке ашырууга КР БжИМ (ЖПД130000028) лицензиясын алган. Жогоруда аталган пилоттук программалар КЭАУ, БФЭА, Н. Исанов атындагы КМКТАУда,.К. И. Скрябин атындагы КУАУ, Ж. Баласагын атындагы КУУда (ИИМОП) жана И.Раззаков атындагы КМТУда башталды.

PhD Жогорку мектебинин кызматкерлери жана окутуучулар жергиликтүү жана эл аралык деңгээлде такай стажировкадан жана тренингдерден өтүшөт, эл аралык конференцияларга жана семинарларга активдүү катышышат.

2021-жылы КРЭАУ Кыргыз Республикасынын Билим берүү жана илим министрлигинен философия илимдеринин докторунун (PhD) кесиптик билим берүү программаларына төмөнкү багыттарда лицензия (LS210001164) алган: 580100 Экономика, 580700 Бизнести башкаруу жана 530500 Юриспруденция.

PhD ЖОГОРКУ МЕКТЕПТИН МИССИЯСЫ ЖАНА МИЛДЕТТЕРИ
PhD Жогорку мектебинин миссиясы интеллектуалдык көндүмдөрдү өнүктүрүүгө, ошондой эле ата мекендик салттарга жана мыкты дүйнөлүк тажрыйбага негизделген үзгүлтүксүз көп баскычтуу билим берүүнү ишке ашыруу аркылуу жергиликтүү жана чет өлкөлүк эмгек рыногунун жогорку квалификациялуу кадрларга болгон муктаждыктарын канааттандырууга багытталган.

БИЗДИН МИЛДЕТТЕР:

• PhD билим берүү программаларын илимий кадрларды даярдоонун дүйнөлүк практикасына ылайык билим берүү программаларын кайра түзүү;
• PhD программалары боюнча иштеген окутуучулардын жана илимий кызматкерлердин сапаттуу курамын камсыз кылуу;
• Окуп жаткандардын изилдөөчүлүк компетенциясын күчөтүүгө багытталган докторанттарды сапаттуу даярдоону камсыз кылуу;
• Жагымдуу илимий-изилдөө чөйрөсүн түзүү.

PhD жогорку мектебинин докторантура программаларынын негизги айырмачылыгы – бул дүйнөлүк деңгээлдеги илимий изилдөөчүлөрдү даярдоого багытталган студенттердин окуу жана изилдөө иш-аракеттеринин ортосундагы оптималдуу тең салмактуулукту жана логикалык байланышты камсыз кылуу.